【資訊】歐洲上網 – 流動數據及通話 SIM CARD

而家去旅行，用data黎google map搵路、搵交通絕對不可少得，所以當然要張可靠、耐用既上網 sim card。唔少人會問上網應該點搞，尤其一去就去N個國家，去到先買既咭會唔會其他國家用唔到…etc 呢篇係想提供幾個實惠方法比大家既，我唔包保最平，但係起碼係價錢合理。

首先，我唔建議去到當地先買，因為

你無得由一落機就用，歐洲機場唔係個個都有free wifi，萬一有咩變數都無得即刻上網搵方法。
當地 plan 多數貴過香港，而且未必for跨國用，跨國用既就貴更多，我2016年係荷蘭用Lebara黎歐遊係要用5歐買25 MB 7日…真係除左whatsapp / google map (講緊預先download曬D map) 就唔可以再上網…雖然而家歐盟data plan都通用既，但歐遊未必去親都係歐盟國家既…）
去到要花時間 locate 間電訊公司出黎，都幾浪費時間，好似去一個景點咁。
有D聽落平，但去到會不明不白地買唔到：
我係西班牙馬德里入 Orange 買好多台灣人話抵玩既數據咭。首先，好多人等，我地行完一個鐘街返去先到我地；接住，佢要用passport登記，搞左一輪後，竟然話我地passport invalid，於是買唔到。最後，我地都係用返Lebara，同時又後悔點解唔係香港買定多D SIM CARD黎。
另一個例子，我預先上網搵到一個意大利電訊公司既上網plan幾好，搵到間野後，佢竟然話佢果度無offer呢個plan，於是…繼續捱Lebara搶錢 plan。
伏，我買過德國vodafone寫有1GB流量既sim card，最後用到第2日、125MB就cut左。去到店面問，佢話我已經用左1GB，但我比我手機既data count佢睇，得125MB，條友答：咁係你部機自己話125MB姐。我XXXX。我只係whatsapp google map同上高登，何來1GB？所以，講伏，一定當地買伏，尤其你唔識英文以外既文，有D條款可能miss左。

所以，我始終覺得當地買係伏，我2016年出發前係香港買定帶去果3張simcard先係最有用既。但係香港點買呢？其實好簡單：

一、淘寶

有淘寶acc又有時間等佢運落黎的話，只要上淘寶打歐洲上網 sim ，就會有大把選擇，
而我 2016年買既超好用simcard果條link已經失效，所以係2018 年既歐遊就用左另一間，以下會有報告，另外如果你想自己搵既，係taobao上打歐洲上網 sim，按銷量搵，再睇評價就會搵到好用架啦。

我2018年6月尾歐遊左一次，係以下淘寶link講既呢張sim card，買左用過後證實係可靠既，但有d野要注意！我今次就係呢間店買（係淘寶黎，但唔知點解個網會變左飛豬）：

https://traveldetail.fliggy.com/item.htm?id=552041654435&spm=a1z09.2.0.0.41602e8dVXBoLH&_u=jkluh4569bd

睇下下圖，佢有好多款，有唔同既組合，你想1個月又有、半個月又有，一而星期又有，彈性選擇，連區域都揀到，所以我覺得好方便。我17日既旅程就一次過買左兩張下列既 C2：28天 12GB 4G流量+無限 2G流量(含通話) 贈送含瑞士c2，實際詳情就係下圖，以下我直接用左間店d圖，所以殘體字，將就下。

（其實我當初6月果時買既商品名係「28天 12GB 4G流量+无限 2G流量(含通话) 赠送含瑞士/B2」，相信係而家（7月尾）下圖講既C2黎，證明佢既套餐名同編號成日改，記住以佢個網既內容為準，我呢度既下圖只係個例子）

到我手上既電話咭，其實係 3 UK既咭黎，其實我2年前幫襯果間taobao店賣既唔係3UK既卡，而係不知名既電訊公司，但一樣用得好好。我今次係咁啱買左 3UK既咭，唔係特登去搵既，另外，雖然香港都買到3UK，但taobao個價計返就比香港買平：
→ 香港購買地方（https://www.price.com.hk/product.php?p=262541）。
如要去瑞士記住問下包唔包瑞士

淘寶呢張，一定要注意幾樣野（以下係2018年8月係店家描述copy落黎）：

卡片是4g卡，所有套餐信號包含4GLTE/3G信號，以當地信號為主。

1.B3-6GB套餐自行看說明書發短信開通套餐使用，直接使用扣話費上網。其他套餐購卡需要填寫好正確的出行時間，我們按此時間提前三天左右開通！！！改期提前4-5天聯系。

2.所有套餐包含的分鐘數是歐盟覆蓋國家的手機號，固話不保證免費。註意：在英國不能撥打歐洲電話，要撥打的充值話費額外撥打扣費。

3.港澳台順豐到付或者寄付30元不包郵。

4.C套餐，在歐洲使用最多9GB，剩餘流量英國使用！

5. C套餐熱點（我諗佢想講share wifi方面）不穩定不保證，介意的建議買AB套餐！

淘寶既3UK電話咭簡介、個人經驗分享、注意事項：

我2018年6-7月使用左係以上淘寶link買既SIM CARD（其實係3UK黎），
我果張個商品名係：28天 12GB 4G流量+無限 2G流量(含通話) 贈送含瑞士

以下係用後報告
速度
雖然個名寫4G，但其實我呢張sim card係英國4G，英國以外既歐洲國家最高速係得3G，並沒有4G網絡，呢方面既差異其實佢係下面詳細描述都應該有寫，我果時就無為意所以買左3G既card，比我揀實揀4G，大家揀果時記住唔好只係睇個名黎揀。因此，如果想瘋狂睇片既，呢張就未必啱你。雖然我買左3G，但我用作搵路、睇資料、聯絡既基本上都夠用。
穩定性
佢係天鵝堡、國王湖呢d山卡啦地方，以及長途火車既車程可能得E或者無服務，但以我觀察個個都係咁，所以未必係張咭既問題，而係地方問題。而係正常城市、瑞士山上等地，都用到穩定既3G網絡，所以我覺得都可靠的。

用iphone會比android用得順利，因為iphone可以手動set電訊公司，但android都有呢個choice但唔知點解整極都整唔到（純粹個人經驗）。至於點解呢個功能重要，因為手機自動揀電訊公司有時揀得唔理想，會揀左D有通話網絡，但上唔到網既network（呢個case多數比利時先會出現，唔知點解），咁唔洗驚，只要手動揀另一個network黎連接就可以正常上網了。
Wifi 熱點（Share唔share到wifi呢？）
我呢張咭（c2餐）自稱無得share wifi （無得做 wifi hotspot），但我就無做過實驗。
不過個淘寶link上面既A同B餐d咭佢都聲稱可以share wifi既。
通話功能必要嗎？
個人認為，若果你住 airbnb / booking.com 既apartment，就需要打電話。當然，都可以email或者用app聯絡，但唔夠打電話方便；如果你全部住24小時櫃台既酒店，咁可有可無，而我有住booking.com既旅館，行程有d延誤時我都有需要用到打電話通知酒店既時候。

點樣打電話，最好睇說明同問客服，因為我既經歷係，有時要打區號，有時要加0有時就唔洗，次次都要撞返幾次唔同既combination先打得通。亦有情況係收到電話但打唔出，或者掉返轉，要睇定上面個描述，佢比card你時都會寄張紙黎教你既，佢會講明邊張咭打到收到電話、邊張只能收不能打。
呢張咭咩電訊公司既？
係3UK，個3係香港都有既3電訊公司果個3，不過佢係英國果間。
講左開通日子之後可唔可以提早開通？
如果你同客服講定幾時開始用，就按照講法做，因為我試過用（唔係uk3既sim）想早D開，就入黎用左先，發現又連到網，就照用，點知去到75MB (果張suppose有750 MB) 就停左，客服解釋，因為早左開既話，data費用會貴10倍，於是可用data就剩返 1/10。
推唔推薦？
想搵張穩定、可靠既歐洲用simcard，我都推薦係呢間店買（唔一定買我果個c2款，可以諗a b餐都得），萬一有咩事都搵到客服幫你。如果你唔想淘寶，但想要呢張3UK咭，可以睇下面方法四。

另外，如果你去超過一個月，或者去exchange既，都建議用呢個方法（或者下面既方法三、四），唔好用當地咭，當地一定無咁抵。你可以問客服有無得一張咭續期用、充值等等，再唔係就一次過買幾張，每個月換一張，反正 whatsapp可以唔logout香港號碼繼續用，只要你唔走去重裝 whatsapp搞到要重新驗證既，都可以繼續正常使用。
二、深水埗鴨寮街

無時間等佢運 / 唔識淘寶，你都可以去深水埗鴨寮街果D電話咭檔買既，C出口直行就自然會沿途見到唔少。可唔可靠我唔清楚，因為我係淘寶既，但有資料話果度都買到3UK咭，都係有唔同GB/日數既combination，價錢合理。

至於想係果度求其買其他牌子試下既話，我就唔太建議，雖然我去日本就係係果D檔求其買既，係日本都用得順順利利（但有時share wifi方面中過伏或者其實去到某用量會變慢速但無講明），但我有朋友話自己係深水埗買果d好伏，佢買左兩張唔同既去歐洲，兩張都用左一兩日就收左皮，對比起佢我覺得3UK真係好穩定，所以建議就算你想係深水埗買，都最好搵返3UK，唔好亂試d不知名sim card，佢唔同taobao，taobao賣不知名電訊公司既話你都可以睇d評價黎估佢好唔好用，仲有售後，但鴨記就做唔到啦。
三、歐洲12GB上網卡(一年)

第三個方法係連登既金親故巴打提供既：
佢係香港用三百幾蚊買左張 12GB 可用一年既電話咭，有個英國電話號碼，人地打到比佢，佢就打唔到比人，收到sms，聽落都好抵，好啱去exhchange既人用！佢係香港總統商業大廈14樓01A室買既。另外，鴨記都有，2016年底12GB/360日卡既價係 HK$400。
四、 3UK 歐洲12GB上網卡(1個月)

其實應該就係我淘寶得到果張黎，淘寶以外都買到既，20鎊有交易，鴨記都有，都可以睇下price.com既報價，但去之前記住打去問下係咪真係有貨先。
→ 即時睇香港購買地方報價（https://www.price.com.hk/product.php?p=262541）